Në shërbim të fshatit Stanoc i Epërm që nga viti 1971.
Misioni
Shkolla Fillore e Mesme e Ulët “Migjeni” është e përkushtuar për të ofruar një edukim cilësor që përgatit studentët për sfidat e botës moderne. Misioni ynë është të zhvillojmë individë të pavarur, kreativë dhe të përgatitur që kontribuojnë pozitivisht në shoqëri.
Vizioni
Të jemi institucioni më i njohur arsimor në rajon, i njohur për ekselencën akademike, inovacionin në mësimdhënie dhe për sukseset e studentëve tanë në karrierat e tyre.
Migjeni
1911 – 1938
Emri i shkollës
Shkolla mban emrin e Millosh Gjergj Nikollës (1911–1938), i njohur me pseudonimin Migjeni, poet dhe prozator shqiptar. Lindi në Shkodër më 1911 dhe vdiq në Torre Pellice të Italisë më 1938, në moshën 26-vjeçare. Konsiderohet një nga themeluesit e realizmit social në letërsinë shqipe, i njohur veçanërisht për përmbledhjen poetike “Vargjet e Lira”.
Historiku
Rrënjët e shkollimit në Stanoc të Epërm shkojnë deri në vitin 1927, kur u hap shkolla e parë e zonës.
1927
Shkolla e parë u hap në fshatin Lummadh, në lagjen Bregaj, e cila atëherë konsiderohej pjesë e tokës së Stanocit të Epërm. Ishte një shtëpi-shkollë me dy dhoma mësimi. Përpara kishte një verandë me një radhë shtyllash, ku nxënësit strehoheshin gjatë pushimeve kur binte shi. Pranë rrugës ndodhej edhe një shitore e vogël e një shqiptari nga fshati, ku nxënësit furnizoheshin me gjërat elementare: ushqim apo mjetet e pakta shkollore.
Mësimi zhvillohej në dy ndërrime: paradite në gjuhën serbe, kurse pasdite mësim fetar në gjuhën arabe për nxënësit shqiptarë. Para se të regjistroheshin, nxënësit shqiptarë kalonin një vit në mësim përgatitor. Klasat ishin të kombinuara, sepse nxënësit dalloheshin shumë nga njohuritë dhe nga mosha.
1941– 1945
Viti 1941 pati jehonë të madhe në Kosovë: për herë të parë u hapën përfundimisht shkollat në gjuhën shqipe. Gjatë viteve 1941–1945 vendi ishte nën pushtetin gjerman, i ndarë në tri zona territoriale me kryeqendër në Mitrovicë, ndërsa çështjen e arsimit e kishin në dorë vetë shqiptarët.
Hapjen e shkollave të reja e drejtonte një komision shtetëror i Mbretërisë Shqiptare me seli në Tiranë, i quajtur “Misioni mëkëmbsorë” dhe i udhëhequr nga patrioti Dr. Rexhep Mitrovica. Ministria e Arsimit në Tiranë mbikëqyrte gjendjen e arsimit në katër nënprefektura: Mitrovica, Vushtrria, Podujeva dhe Pazari i Ri. Në Komunën e Vushtrrisë punonin 14 shkolla shqipe; për shkollën fillore të Stanocit të Epërm, të dhënat e asaj kohe janë paksa të paqarta.
1971
Themelohet shkolla “Migjeni”, e cila që atëherë u shërben fëmijëve të Stanocit të Epërm, në Komunën e Vushtrrisë.
2021
Stafi i shkollës fotografohet si “gjenerata e parë në shkollën e re”.
Vlerat
Parimet që udhëheqin punën tonë të përditshme.
Përpiqemi për cilësinë më të lartë në çdo aspekt të edukimit.
Adoptojmë teknologji dhe metoda të reja mësimore.
Veprojmë me ndershmëri dhe respekt në çdo situatë.
Jemi përgjegjës për veprimet dhe vendimet tona.
